युनिकोड
नेकपा एमालेका नेता भीम रावलको निर्वाचन क्षेत्र अन्तर्गत पर्ने अछामको रामारोशन गाउँपालिकामा नेकपा एमाले पराजित भएको छ।
अध्यक्षमा नेपाली कांग्रेसका मानबहादुर साउद ३ हजार १२७ मतसहित विजयी भएका छन्। उनका निकटतम प्रतिस्पर्धी नेकपा माओवादी केन्द्रका पहमबहादुर साउदले २ हजार ८९७ मत प्राप्त गरे।
यस्तै एमाले पालिका अध्यक्षमा तेस्रो स्थानमा झरेको छ। एमालेका चक्र बहादुर रावलले २ हजार ७९५ मत प्राप्त गरे।
रामारोशन गाउँपालिकामा नेपाली कांग्रेस र नेकपा एकीकृत समाजवादीबीच चुनाव तालमेल थियो।
उपाध्यक्षमा नेकपा माओवादी केन्द्रका सिर्जना देवी बुढा ३ हजार २८ मतसहित विजयी भएको निर्वाचन कार्यालयले जनाएको छ। उनकी निकटतम प्रतिस्पर्धी एमालेकी बसन्ती धामीले २ हजार ७२८ मत प्राप्त गरिन्।
उपाध्यक्षमा भने कांग्रेस र समाजवादीको गठबन्धनबाट उम्मेदवार बनेका समाजवादीका ताराप्रसाद खनाल पराजित भएका छन्। उनले २ हजार १६२ प्राप्त गरेका छन्।
प्रतिक्रिया