युनिकोड
युरोपको ग्रिसमा भएको ‘१२ औं अन्तर्राष्ट्रिय वृत्तचित्र महोत्सव इरापेट्रा एण्ड अवार्ड्स’ मा नेपाली लघु चलचित्र ‘कलर अफ टी’ पुरस्कृत भएको छ। अन्तर्राष्ट्रिय फिल्म निर्णायक मण्डलले यस फिल्मलाई पुरस्कृत गरेको छ।
१३ अगस्टको दिन महोत्सव आयोजकले आफ्नो वेब साइटमा आधिकारिक रूपमा पुरस्कृत फिल्महरूको सूचि सार्वजनिक गर्दै लेखेको छ- दोस्रो महोत्सव पुरस्कार राज सरगम (नेपाल) द्वारा लिखित तथा निर्देशित अन्तर्राष्ट्रिय छोटो फिल्म कलर अफ टीलाई जान्छ।
१२ औं अन्तर्राष्ट्रिय वृत्तचित्र महोत्सव इरापेट्रा एण्ड अवार्ड्सले ग्रीसमा विश्वभरका उत्कृष्ट लामा र छोटा वृत्तचित्र र लघु चलचित्रलाई आफ्नो प्रतिस्पर्धात्मक खण्डमा प्रदर्शनको लागि प्रवर्द्धन गर्दछ।
कलर अफ टिले मधेसका ती दलित आदिवासीको कथा भन्छ जो जातीय भेदभावलाई निरन्तरता दिने सुक्ष्म आक्रमकता र हिंसाका विरुद्व मौन विद्रोह गर्दछ।
लेखक तथा पत्रकार राजको यही फिल्मले गत जुलाइमा कोरियामा दिगो विकास लक्ष्य २०२५ को लागि ‘कोरिया ग्योङ्गी अन्तर्राष्ट्रिय फिल्म महोत्सव’ मा उत्कृष्ट पुरस्कार जितेको थियो।
यो फिल्म युरोपको जर्मनमा आगामी सेप्टेबरमा हुने ‘कोबानी अन्तर्राष्ट्रिय फिल्म महोत्सव’ मा क्वार्टर फाइनलमा पुग्न सफल भएको छ। साथै युरोपकै मोन्टेनेग्रो पोडगोरिकामा भएको ‘एमओडी फेस्टस्स् अल्पसंख्यक खुला दिन २०२५’ पनि अफिसियल छनोट भएको थियो।
प्रतिक्रिया