युनिकोड
अहिलेसम्म तपाईंहरूले एकजनाको परीक्षा अर्कोले दिएको कयौँ घटना सुन्नु भएको हो। एकजना केटाले अर्का केटाको, एकजना केटीले अर्की केटीको नाममा परीक्षा दिएका घटना नौला रहेनन्।
तर भारतको पञ्जावबाट अहिलेसम्मकै रोचक घटना बाहिरिएको छ। एकजना युवकले आफ्नो हुलिया युवतीको जस्तो बनाएर परीक्षा हलमा पुगेका बेला समातिएका छन्।
उनी आफ्नी प्रेमिकाको नाममा परीक्षा दिन पुग्दा अनौठो तरिका अपनाएका थिए। केटाबाट केटीको स्वरुपमा त परिणत भए नै त्यससँगै उनले लुगा पनि प्रेमिकाकै लगाएका थिए।
तर उनको मिहिनेतले काम गरेन, परीक्षा हलमा पुगेपछि उनी प्रहरीको फन्दामा परे। आफ्नी प्रेमिकाको साटो परीक्षा दिन केटीको हुलियामा पुगेका ती युवक अहिले समातिएर प्रहरीको हिरासतमा छन्।
यही ७ जनवरीमा पञ्जावको कोटकपुरास्थित डीएभी पब्लिक स्कुलमा बाबा फरिद विश्वविद्यालय हेल्थ साइन्सेजद्वारा आयोजित स्वास्थ्यकर्मीको भर्ना परीक्षा हुँदै थियो।
अंग्रेज सिंह नामका ती युवक उक्त परीक्षामा सहभागी हुन युवती बनेर पुगे। अंग्रेज सिंह रातो चुरा, रातै टीका र लिपस्टिकसहित मेकअपले सजिएका थिए। त्यति मात्रै थिएन, उनले त आफूलाई युवती देखाउन प्रेमिकाको लुगा नै लगाएका थिए।
उनी परीक्षा दिन थालिसकेका थिए। तर जब परीक्षा हलमा तैनाथ कर्मचारीले उनको कपडामा शंका गरे। उनलाई युवती ठानेर जाँच थालेका कर्मचारी जब जिल्ल परे तब उनी २५ वर्षीय युवक भएको पुष्टि भयो।
प्रेम की परीक्षा तो आपने सुनी होगी। भाई अंग्रेज सिंह प्रेमिका की परीक्षा देने पहुंच गए। सलवार पहनी, बिंदी–लिपिस्टिक लगाई, नकली लंबे बाल लगाए। फ़र्ज़ी आधार, वोटर ID बनवाए। लेकिन फरीदकोट में पैरा मेडिकल एंट्रेंस एग्जाम सेंटर पर पकड़े गए।
— Naval Kant Sinha | नवल कान्त सिन्हा (@navalkant) January 15, 2024
आशिकी ज़िंदाबाद!! #AmaJaneDo 😳#Punjab pic.twitter.com/WxIuX3PI3r
यी युवक फाजिल्काकी परमजीत कौर नामकी एक महिलाको स्थानमा परीक्षा दिन पुगेका थिए। अब अंग्रेज सिंह पुलिसको हिरासतमा छन्।
पुलिसले अहिले यो मामिलाको जाँच गरिरहेको छ। उनी कुनै गिरोहको हिस्सा हुन सक्ने आशंकामा उनीमाथि छानबिन चलिरहेको छ।
सामाजिक सञ्जालमा कयौँ मानिसले अंग्रेज सिंह आफ्नी प्रेमिकाको स्थानमा परीक्षा दिन आएको बताएका छन्। समाचार अनुसार अंग्रेज सिंहसँग नक्कली भोटर कार्ड र नक्कली आधार कार्ड पनि बरामद भएको छ।
यसलाई लिएर समाजिक सञ्जालमा कयौँ किसिमका प्रतिक्रिया आएका छन्। एकजना ट्विटर प्रयोगकर्ताले मायाले के के खेल गराउँछ भनेर प्रतिक्रिया दिएका छन्।
अर्का व्यक्तिले असली माया यही भनेर टिप्पणी गरेका छन्। अरु सबै झुटो भएको उनको टिप्पणी छ। अर्का प्रयोगकर्ताले मायाका लागि जेसुकै गर्न सकिने उदाहरण यसलाई भनेका छन्।
मायाका लागि हीर-रान्झा र लैला-मजनुको सम्झना यी युवकले गरेको उनले भनेका छन्। धेरैले खास प्रेमी अंग्रेज सिंह भएको बताएका छन्। जसले आफ्नी प्रेमिकाको परीक्षा दिन कुर्ता-सुरुवाल लगाएको भन्दै धेरै खास आशिक भनेर टिप्पणी गरेका छन्
प्रतिक्रिया