युनिकोड
४८ वर्षकी युमी योसिनोले दश वर्षसम्म आमाको शवलाई फ्रिजरमा राखेको बीबीसीले जनाएको छ।
दश वर्षअघि आफ्नी आमालाई मृत भेटेपछि उनको शवलाई फ्रिजरमा राखेको उनी बताउँछिन्।
आमा र आफू बस्दै आएको टोक्योस्थित घर छाड्न मन नलागेर आमाको शव ती महिलाले फ्रिजरमा राखेको प्रहरी स्रोतलाई उल्लेख गर्दै जापानी सञ्चार माध्यमले समाचार छापेका छन्।
प्रहरीका अनुसार मृत महिलाको शरीरमा कुनै डाम देखिन्न। अधिकारीहरूले महिलाको निधन भएको समय र कारण पत्ता लगाइसकेका छैनन्।
भाडा नतिरेका कारण योसिनोलाई घर छोड्न बाध्य बनाएपछि घर सफा गर्न लगाइएका व्यक्तिले फ्रिजरमा शव फेला पारेका थिए।
ती महिलाको शरीरलाई बङ्ग्याएर फ्रिजरमा कोचिएको पाइएको प्रहरीले बताएको छ।
योसिनोलाई शुक्रबार टोक्यो नजिकैको शहर चिबाको एक होटलबाट गिरफ्तार गरिएको थियो। बीबीसी
प्रतिक्रिया