ग्लोबल


कम्बोडियाको युद्ध अपराधमा राष्ट्रसंघीय अदालतले गर्‍यो अन्तिम फैसला

कम्बोडियाको युद्ध अपराधमा राष्ट्रसंघीय अदालतले गर्‍यो अन्तिम फैसला

नेपालखबर
असोज ६ , काठमाडौँ

कम्बोडियामा खेमर रुज शासनकालमा भएका युद्ध अपराध हेर्न बनाइएको संयुक्त रास्ट्रसंघ समर्थित न्यायालयले १६ वर्षपछि आफ्नो काम सप्पन्न गरेको छ। 

सन् १९७० को दशकमा अनुमानित १७ लाख मानिसको मृत्यु हुने गरी भएको युद्ध अपराधको मुद्दा किनारा लागेको हो। राष्ट्रसंघ समर्थित अन्तर्राष्ट्रिय अदालतले ३३ करोड ७० लाख अमेरिकी डलर र १६ वर्ष खर्चिएर आफ्नो काम पूरा गरेको छ। 

अदालतले कम्बोडियाको खेमर रुज शासनकालको युद्ध अपराधमा तीनजनालाई दोषी ठहर गरेको छ। बिहीबार न्यायालयले खेमर रुजका अन्तिम तथा एकमात्र जीवित शासक खिउ साम्फानले गरेको अपिललई अस्वीकार गरेको हो।

उनलाई सन् २०१८ मा नरसंहार, मानवताविरुद्धको अपराध र युद्ध अपराधमा दोषी ठहर गरिएको थियो। उनलाई आजीवन जेल सजाय सुनाइएको थियो। उक्त फैसला बिहीबार न्यायालयको अन्तिम निर्णय बनेको हो। 

बिहीबार साम्फानलाई अदालतमा उपस्थित गराइएको थियो। ह्वीलचेयरमा राखेर उनलाई अदातमा उपस्थित गराइएको थियो। साम्फान कम्बोडियाका मनोनित सरकारप्रमुख थिए। तर, न्यायालयमा उनले आफूसँग खेमर रुज शासनकालमा महत्वपूर्ण निर्णयको अधिकार भने नभएको बताएका थिए।

कम्बोडियामा एग्रागियन समुदायका मानिसहरुमाथि खेमर रुज शासनकालमा ज्यादती भएको थियो। शासकको ज्यादतीको कारण यो समुदायका मानिसको मानिसको सामूहिक हत्या, भोकमरी र औषधि अभावको कारण मृत्यु भएको थियो। 

सन् १९७९ मा छिमेकी कम्युनिष्ट मुलुक भियतनामले कम्बोडियामाथि आक्रमण गरेर खेमर रुज शासन ढालेको थियो। 

न्यायालयले फैसला सुनाएकामध्ये ९१ वर्षीय साम्फान मात्र जीवित छन्। खेमर रुजका दोस्रा शासक गुओन चेलाई पनि युद्ध अपराधमा दोषी ठहर गरिएको थियो। उनको ९३ वर्षको उमेरमा सन् २०१९ मा मृत्यु भएको थियो। 

त्यस्तै टुओल स्लेङ जेलका कमान्डेन्ट काइङ गुएक इएभलाई पनि युद्ध अपराधमा दोषी पाइएको थियो। उनीमाथि १६ हजार मानिसलाई हत्या गर्नुभन्दा पहिला चरम यातना दिएको आरोप छ। 

उनलाई सन् २०१० मा उक्त मुद्दामा दोषी ठहर गरिएको थियो। सन् २०२० मा उनको मृत्यु भएको थियो। 

असोज ६, २०७९, बिहीबार

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 4240505 / 4241389
Admin:[email protected]
News:[email protected]

विज्ञापनका लागि सम्पर्क

+977 9851081116
[email protected]

जीवन बस्नेत
कार्यकारी निर्देशक
सुरेन्द्र रिजाल
निर्देशक, अटो संस्करण
सविन पोखरेल
लेखा तथा प्रशासन प्रमुख
ललिता तामाङ
कार्यालय सहयोगी

नेपालखबर टीम


विशेष संवाददाता
सागर न्यौपाने

उप–सम्पादक
खगेन्द्र गिरी
नवराज रेग्मी
रूपबहादुर विश्वकर्मा
विद्यानाथ अधिकारी
चिरञ्जीवी आचार्य

ग्लोबल अफेयर्स संयोजक
सन्तोष घिमिरे

समाचार संयोजक
ज्ञानेन्द्र खड्का

निर्वाचन सम्पादक
जेवी पुन मगर

म्यागेजिन सम्पादक
सीताराम बराल

सम्पादक
अरुण बराल

प्रधान सम्पादक
पूर्ण बस्नेत
Copyright © 2021 Nepalkhabar. All Rights Reserved. Designed byCurves n' Colors. Powered by.
ad ad