युनिकोड
इरानको इस्लामिक रिभोलुसनरी गार्ड कोर्प्स (आईआरजीसी) ले बहराइन, कुवेत र जोर्डनमा रहेका अमेरिकी सैन्य अड्डामा बदला हमला गरिएको दाबी गरेको छ।
आईआरजीसीले आइतबार र सोमबार बिहान अमेरिकाले गरेको आक्रमणको जवाफ दिइएको दाबी गरेको हो।
बीबीसी फारसीले आईआरजीसी लाई उद्धृत गर्दै आक्रमणले धेरै महत्त्वपूर्ण प्रतिष्ठान र सैन्य स्रोतसाधनमा क्षति भएको उल्लेख गरेको छ।
सोमबार बिहान जारी विज्ञप्तिमा आईआरजीसीले भनेको छ, ‘जोर्डनको प्रिन्स हसन एयर बेसमा रहेका ठुलो मिसाइल भण्डार र इन्धन ट्यांकमा मिसाइल र ड्रोन प्रहार गरिएको थियो, जसले गर्दा आगो लागेको थियो।’
आईआरजीसीले बहराइनको शेख इसा एयर बेसलाई पनि निसाना बनाएको बताएको छ।
आईआरजीसीका अनुसार आक्रमणले अमेरिकी सेनाको हेलिकप्टर मर्मत केन्द्र, पी-८ इलेक्ट्रोनिक युद्ध विमान ह्याङ्गर, ड्रोन कमान्ड र नियन्त्रण केन्द्रलाई निसाना बनाएको थियो।
प्रतिक्रिया