युनिकोड
महिलाहरुको शिक्षाका लागि आवाज उठाउने अफगाननिस्तानका एक प्राध्यापकलाई तालिबान गिरफ्तार गरेको छ।
उनलाई जुनबेला गिरफ्तार गरिएको हो, त्यसबेला उनी राजधानी काबुलको सडकमा सित्तैमा किताब बाँडिरहेका थिए।
अहिलेसम्म तालिबानले आधिकारिक रुपमा उनको गिरफ्तारीबारे केही पनि टिप्पणी गरेको छैन।
तालिबानले इस्माइल मशाल नामका प्राध्यापकलाई गिरफ्तारीपछि तालिबानको सूचना मन्त्रालयका एक सदस्यले सामाजिक सञ्जालमार्फत उनलाई सम्मानजनक व्यवहार गरिएको बताएका छन्।
इस्माइल मशालले लाइभ टेलिभिजन कार्यक्रममै आफ्नो शिक्षाका दस्तावेज र डिग्रीको सर्टिफिकेट पनि च्यातिदिएपछि चर्चामा आएका थिए।
उनले यो कदम महिलाहरुलाई शिक्षाको अधिकारमा प्रतिबन्ध लगाउने तालिबानको निर्णयविरुद्ध चालेको बताएका थिए।
अघिल्लो महिना उनले बीबीसी अफगान सेवासँगको कुराकानीका क्रममा पुरुषहरु महिलाको अधिकारका लागि उभिनु जरुरी रहेको बताएका थिए।
प्रतिक्रिया