युनिकोड
इरानमा बस्दै आएका करिब तीन हजार अफगानी शरणार्थी स्वदेश फर्किएका छन्।
अफगानिस्तानको शरणार्थी तथा स्वदेश फिर्ती मामिला मन्त्रालयले बुधबार जारी गरेको विज्ञप्तिमा मंगलबार एकैदिन ठूलो संख्यामा इरानमा रहेका आफ्ना नागरिक स्वदेश फर्किएको दाबी गरिएको छ।
'इरानमा वर्षौंसम्म शरणार्थीको रूपमा बिताएपछि मङ्गलबार दुई हजार ७७८ अफगानी शरणार्थीहरू आफ्नो मातृभूमि अफगानिस्तान फर्केका छन् र शरणार्थी बनेर बसेका अरुलाई देशमा फर्काउने प्रक्रिया जारी छ,' विज्ञप्तिमा भनिएको छ।
अफगानिस्तान युद्ध र तालिवानले सत्ता सम्हालेपछि पनि सुरक्षाको समस्या देखाउँदै ठूलो सङ्ख्यामा अफगानी नागरिक विदेश पलायन भएका छन्।
अफगानिस्तानको कामचलाउ तालिबान सरकारले विदेशमा रहेका अफगानी शरणार्थीहरूलाई स्वदेश फर्कन र आफ्नो देशको पुनर्निर्माण प्रक्रियामा योगदान गर्न आह्वान गर्दै आएको छ।
प्रतिक्रिया