आईएसका वरिष्ठ नेता मारिएको इराकको दाबी

इराकका प्रधानमन्त्री मोहम्मद शिया अल सुदानीले इराक र सिरियामा रहेको इस्लामिक स्टेट (आईएस) का एक वरिष्ठ नेता कारबाहीमा मारिएको बताएका छन्।

इराकी राष्ट्रिय गुप्तचर सेवाले अमेरिकी नेतृत्वको गठबन्धन सेनासँगको सहकार्यमा यो कारबाही गरेको हो।

इराकी प्रधानमन्त्री अल-सुदानीका अनुसार अब्दुल्लाह मक्की मुस्लिह अल-रिफालाई ‘इराक र विश्वको सबैभन्दा खतरनाक आतंककारीमध्ये एक मानिन्थ्यो।’

उनलाई अबु खादिजा पनि भनिन्थ्यो।

अमेरिकी राष्ट्रपति डोनाल्ड ट्रम्पले भनेका छन्, ‘हाम्रा निडर युद्ध लडाकुले उनलाई निरन्तर पछ्याए।’

यूएस सेन्ट्रल कमान्ड (सेन्टकम) ले एक्समा एउटा भिडिओ पोस्ट गरेको छ, जुन आक्रमणको जस्तो देखिन्छ।

इराकको पश्चिमी अल अन्बार प्रान्तमा बिहीबार यो हमला गरिएको बताइएको छ।

अमेरिकी केन्द्रीय कमान्डले अब्दुल्लाह मक्की मुस्लिह अल-रिफाह आईएसको सबैभन्दा वरिष्ठ निर्णय गर्ने निकायको प्रमुख रहेको र आईएसको विश्वव्यापी सञ्चालन, रसद र योजनाका लागि जिम्मेवार रहेको बताएको छ।

सेन्टकमले रिपोर्ट गरेको छ कि अब्दुल्लाह मक्की मुस्लिह अल-रिफाले आईएसको विश्वव्यापी संगठनको लागि कोषको ठूलो हिस्सा पनि ह्यान्डल गरेको थियो।