युनिकोड
भारतको राष्ट्रिय अनुसन्धान एजेन्सी (एनआईए) ले सन् २००८ मा भएको मुम्बई आतंकवादी हमलाका अभियुक्त तहव्वुर राणासँग बयान लिइरहेको छ।
भारतीय सञ्चारमाध्यमका अनुसार राणाले आफू २६/११ आक्रमणको मास्टरमाइन्ड मानिने विश्वव्यापी आतंकवादी साजिद मिरसँग निरन्तर सम्पर्कमा रहेको बताएका छन्।
राणा पाकिस्तानको गुप्तचर निकाय आईएसआईसँग पनि सम्पर्कमा थिए। उनलाई पाकिस्तानी सेनाको पोसाकप्रति विशेष लगाव थियो।
सोधपुछका क्रममा राणाले 'दुबई म्यान' को नाम पनि लिएका छन्।
अनुसन्धान एजेन्सीलाई यो व्यक्तिले पाकिस्तान र दुबईबीचको नेटवर्क ह्यान्डल गर्ने शंका लागेको छ।
दिल्लीको पटियाला हाउस अदालतले राणालाई १८ दिनका लागि एनआईएको हिरासतमा पठाएको हो।
यस अवधिमा एनआईएले हरेक दिन राणासँग सोधपुछको डायरी तयार गर्नेछ। अन्तिम चरणको सोधपुछपछि यसलाई खुलासा बयानमा रेकर्डमा लिइनेछ।
प्रतिक्रिया