युनिकोड
पाकिस्तान पिपुल्स पार्टीका अध्यक्ष बिलावल भुट्टो जरदारीले सिन्धु जल सन्धि निलम्बन पाकिस्तानका लागि सजाय मात्र नभई मानवताविरुद्धकै अपराध भएको बताएका छन्।
मंगलबार राष्ट्रिय सभामा पहलगाम आक्रमणका निहुँमा भारतले चालेका कदमबारे बोल्दै बिलावल भुट्टोले उक्त धारणा राखेका हुन्।
उनले भने, 'भारतले तुरुन्तै आक्रमणका लागि पाकिस्तानलाई दोष दिन थाल्यो, सीमा बन्द गर्यो र परिणाम भोग्ने धम्की दियो।
सिन्धु जल सन्धि निलम्बनबारे भुट्टोले भने, 'सिन्धु नदी हाम्रो जमिनबाट मात्र नभई हाम्रो नसाबाट पनि बग्छ। अब भारतले यो नदी रोक्ने धम्की दिएको छ।'
यो पानीको राजनीतीकरण तथा प्रकृतिविरुद्धकै अपराध भएको टिप्पणी भट्टोले गरे।
उनले भने, 'यो कति पागलपन हो भने तपाईं आफ्नै सिमानाभित्र भएको अपराधका लागि लाखौँ मानिसहरूको खाना र जीविकोपार्जनलाई जोखिममा पार्दै हुनुहुन्छ।'
प्रतिक्रिया