छत्तीसगढ: सरकारी क्वार्टरमा २ छोराछोरीसहित दम्पती मृत भेटिए

भारतीय राज्य छत्तीसगढको महासमुन्द जिल्लाको बागबहारास्थित सरकारी क्वार्टरमा बुधबार एउटा हृदयविदारक घटना भएको छ।

भारतीय सञ्चारमाध्यमका अनुसार  त्यहाँ एकै परिवारका चार जनाको शव फेला परेको हो। उनीहरूले सामूहिक आत्महत्या गरेको ठानिएको छ।

घटनाको जानकारी पाउनेबित्तिकै प्रहरी उपरीक्षक, अतिरिक्त प्रहरी उपरीक्षक र फोरेन्सिक टोली तुरुन्तै घटनास्थलमा पुगेर अनुसन्धान सुरु गरेको छ। घटनाको कारण अहिलेसम्म थाहा हुन सकेको छैन।

मृत्यु हुनेहरूमा पटेवा प्रहरी चौकी अन्तर्गत पर्ने चिरको गाउँका पति वसन्त पटेल (४१), श्रीमती भारती पटेल (३८), छोरी सेजल पटेल (१२) र छोरा कियांश पटेल (४) छन्।