युनिकोड
अमेरिकाका राष्ट्रपति डोनाल्ड ट्रम्प र इलोन मस्कबीचको मतभेद अब खुलेआम बाहिर आएको छ र शब्दयुद्धको रूप लिएको छ।
परिस्थिति यस्तो अवस्थामा पुगेको छ कि ट्रम्पले सरकारसँग मस्कको ठूलो स्तरको व्यापारिक सम्झौता अन्त्य गर्ने धम्की दिएका छन्।
उता मस्कले ट्रम्पविरुद्ध महाभियोग माग गरेका छन्।
उनीहरूबीच जारी द्वन्द्वको केन्द्र ट्रम्प प्रशासनको कर र खर्च विधेयक भएको विश्वास गरिन्छ, जसप्रति मस्कले असन्तुष्टि व्यक्त गरेका छन्।
जुन विधेयकलाई ट्रम्पले यस 'ठूलो र सुन्दर विधेयक' भनेका छन्। जसमा कर कटौती, सरकारी सुविधा प्राप्त गर्नेहरूका लागि कडा नियम र ऋणको सीमा बढाउने कुरा छन्।
अनुमानअनुसार, यो विधेयकले अमेरिकी बजेट घाटा लगभग ६०० अर्ब डलर बढाउनेछ। यो विधेयक मे महिनामा हाउस अफ रिपब्लिकनमा मुस्किलले पारित भएको थियो।
अब यो विधेयक अमेरिकी सिनेटमा छ, जहाँ यस विधेयक प्रावधान परिवर्तन गर्ने मौका हुनेछ। यसपछि अनुमोदनका लागि यो विधेयक ट्रम्पकहाँ जानेछ।
अमेरिकी सदनका सभामुख माइक जोनसन राष्ट्रपति डोनाल्ड ट्रम्प र इलोन मस्कबीच मेलमिलाप चाहन्छन्।
बीबीसीको अमेरिकी मिडिया पार्टनर सीबीएसको रिपोर्टअनुसार, माइक जोनसन भन्छन्, ‘यदि सबै कुरा राम्रो भयो भने यो पार्टी र देशको लागि राम्रो हुनेछ।’
यसैबीच सीबीएस न्युजले ट्रम्प आफ्नो टेस्ला कार बेच्ने सोचमा रहेको रिपोर्ट गरेको छ।
ट्रम्पले मस्कलाई 'दिमाग खुस्केको'सम्म भनेका छन्।
राष्ट्रपति ट्रम्प र उनका पूर्वसल्लाहकार मस्कबीचको फाटो बिहीबार राति सामाजिक सञ्जालमा छताछुल्ल भयो।
ट्रम्पले आफ्नो खर्च विधेयकविरुद्ध मस्कको आलोचनाले ‘निराश’ बनाएको बताएपछि विवाद सुरु भएको थियो।
त्यसपछि मस्कले ट्रम्पलाई ‘कृतघ्न’ को आरोप लगाए।
अनि भने, ‘म नभएको भए, ट्रम्पले चुनाव हार्न सक्थे।’
स्मरण रहोस्, मस्क सरकारी दक्षता विभाग (डज) बाट बाहिरिनासाथ यो विवाद सुरु भएको हो।
प्रतिक्रिया