अफगानिस्तानमा चिनियाँ नागरिकलाई निसाना बनाएर विस्फोट

सोमबार साँझ अफगानिस्तानको राजधानी काबुलको सहर-ए-नौ क्षेत्रमा विस्फोट भएको छ।

अफगानिस्तानको टोलो न्युजका अनुसार सुरक्षा स्रोतले सोमबार दिउँसो भएको आक्रमणमा चिनियाँ नागरिकहरूलाई लक्ष्य गरिएको पुष्टि गरेका छन्। आक्रमणमा मृत्यु हुने र घाइते हुनेको संख्या अझै स्पष्ट भइसकेको छैन।

काबुलको समसाद न्युजले गोल्फुरुसी स्ट्रिटमा विस्फोट भएको र चिनियाँ रेस्टुरेन्टलाई निसाना बनाइएको उल्लेख गरेको छ।

रिपोर्टमा भनिएको छ, 'प्रत्यक्षदर्शीहरूले समसाद न्युजसँग भनेका छन्श- विस्फोट एक चिनियाँ रेस्टुरेन्टमा भएको थियो, जसमा धेरै चिनियाँ र अफगानी नागरिक घाइते भएका छन्।'

काबुल प्रहरी कमान्डका प्रवक्ता खालिद जद्रानले पनि विस्फोटको पुष्टि गरेका छन्।

उनले एक्समा लेखेका छन्, 'सहर-ए-नौको गोल्फुरुसी स्ट्रिटमा रहेको एक होटलमा विस्फोट भएको छ, जसमा केही व्यक्ति घाइते भएका छन्।'