युनिकोड
ब्राजिलका पूर्वराष्ट्रपति जैर बोल्सोनारोलाई सैन्य विद्रोहको षड्यन्त्र रचेको मुद्दामा दोषी ठहरिएपछि २७ वर्ष ३ महिनाको जेल सजाय सुनाइएको छ।
ब्राजिलको सर्वोच्च अदालतका पाँच न्यायाधीशको प्यानलले उनलाई दोषी ठहराएको केही घण्टापछि बिहीबार यो सजाय सुनाइएको हो।
अदालतले २०२२ को चुनावमा वामपन्थी प्रतिद्वन्द्वी लुइज इनासियो लुला दा सिल्भासँग हारेपछि बोल्सोनारोले सत्तामा रहिरहने षड्यन्त्रको नेतृत्व गरेको ठहर गरेको हो।
पाँच न्यायाधीशमध्ये चारले उनलाई दोषी ठहर गरे भने एक जनाले मात्र उनलाई निर्दोष ठहर गरे।
बोल्सोनारो देशको इतिहासमा लोकतन्त्रमाथि आक्रमण गरेको मुद्दामा दोषी ठहरिने पहिलो पूर्वराष्ट्रपति बनेका छन्।
बोल्सोनारोका वकिलहरूले भने सजायलाई 'अत्यधिक' भन्दै यसविरुद्ध अपिल गर्ने बताएका छन्।
बोल्सोनारो सेनाका पूर्व कप्तान थिए, जसले १९६४ देखि १९८५ सम्म सयौँ ब्राजिलियनको हत्या गर्ने सैन्य तानाशाहीको नेतृत्व गरेका थिए। एजेन्सी
प्रतिक्रिया