हङकङकी प्रमुख कार्यकारी क्यारी लामले एक धम्कीपूर्ण चिठी प्राप्त गरेकी छन्। चिठीमा रेजर ब्लेड पनि भेटिएको सरकारले जनाएको छ।
सोमबार सरकारी मुख्यालयमा लामको चिठीपत्रको नियमित जाँचका क्रममा सो ब्लेड फेला परेको हो।
सरकारले सो कार्यको निन्दा गरेको छ। यस्ता गतिविधिलाई नसहने र दोषीलाई कारबाही गरिछाड्ने पनि सरकाले जनाएको छ।
एसियाको वित्तीय केन्द्रका रुपमा प्रख्यात हङकङमा २०१९ मा सरकारविरोधी प्रदर्शन हिंसात्मक बनेपछि सरकारले २०२० देखि नयाँ सुरक्षा कानुन लागू गरेको छ। जसले हिंसाका घटनामा कमी आएको सरकारको दाबी छ।
गत जुलाईमा प्रहरीले बम विस्फोटको योजना बनाएको आरोपमा प्रहरीले मानिसहरुको एउटा समूहलाई नै पक्रेको थियो।
तीमध्ये धेरैलाई सुरक्षा कानुनअन्तर्गत मुद्दा चलाइएको प्रहरीले जनाएको छ। एजेन्सी
6.4k
Shares
प्रतिक्रिया