हङकङको एक फ्ल्याटमा आगलागी : एकको मृत्यु, २ सय जना विस्थापित

हङकङको केनेडी टाउनस्थित एक फ्ल्याटमा आगलागी हुँदा एक जनाको मृत्यु भएको छ। त्यस्तै, आगलागीबाट प्रभावित दुई सय जनालाई त्यहाँबाट बाहिर निकालिएको छ।

आगलागी भएको फ्ल्याटको झ्यालबाट आगो र धुवाँ निस्किरहेको तस्बिरमा देख्न सकिन्छ।

आगलागी भएको फ्ल्याटमा कोइलाको चुलोसहित ७० वर्षीय वृद्धको शव भेटिएको प्रहरीलाई उद्धृत गर्दै स्थानीय सञ्चारमाध्यममा उल्लेख छ।

प्रहरीलाई आइतबार साँझ साढे ७ बजे केनेडी टाउनमा आगलागी भएको रिपोर्ट प्राप्त भएको थियो।

खबर पाएपछि घटनास्थल पुगेका अग्निनियन्त्रकले पानीको जेट प्रयोग गरेर आगो निभाएका थिए।

आगलागीको कारणबारे अनुसन्धान भइरहेको प्रहरीले जानकारी दिएको छ।