हङकङको टाइफुन आश्रयस्थलमा आगलागी

आइतबार बिहान हङकङको कजवे बे टाइफुन आश्रयस्थलमा रहेको एउटा स्पिडबोटमा आगो लागेको छ।

साउथ चाइना मर्निङ पोस्टले जनाएअनुसार समुद्री प्रहरी र अग्निनियन्त्रकहरूले आगलागी प्रभावित ५ जनाको उद्धार गरेका छन्। आगलागीबाट कुनै मानवीय क्षति भएको छैन।

उद्धार गरिएका पाँचै जनालाई कुनै चोटपटक नभएका कारण अस्पताल भर्ना गर्नु परेन।

हङकङ अब्जर्भेटरीले गएराति १२:२० बजे नम्बर ८ टाइफुन संकेत जारी गरेको झन्डै ३ घण्टापछि बिहान पौने ४ बजे बजे बोटमा आगो लागेको खबर प्रहरीले प्राप्त गरेको हो।

आइतबार बिहान ९:२० अब्जर्भेटरीले १० नम्बर आँधीको संकेत जारी गरिसकेको छ। आँधीका कारण हङकङका धेरै उडान प्रभावित भएका छन्।