नेपाली डायस्पोरा मकाउले सगरमाथा दिवस मनाउने

मकाउमा ७३औँ सगरमाथा दिवस मनाइने भएको छ। युनाइटेड नेपाली डायस्पोरा मकाउको आयोजनामा यही मे २४ तारिखमा कार्यक्रम हुन लागेको हो।

हाक्सावानस्थित इडलाइ वासुनचुनमा हुने कार्यक्रममा नेपालीका साथै इन्डोनेसिया, फिलिपिन्स  र भियतनामको समेत सांस्कृतिक प्रस्तुति हुने आयोजकले जनाएको छ।

कार्यक्रममा मकाउमा कार्यरत नेपाली कलाकारहरूले आ-आफ्नो विधाका प्रस्तुति दिनेछन्। मकाउका विभिन्न दौड प्रतियोगितामा सहभागी भएका नेपाली धावकलाई यसै कार्यक्रममा सम्मान पत्र प्रदान गरिँदैछ।

कार्यक्रम कारितास मकाउ वेल्नस सेन्टर र नेपाली महावाणिज्य दूतावास, हङकङको सह-आयोजनामा हुन लागेको हो।

यस्तै, मकाउस्थित ग्लोबल रेमिटले सगरमाथा दिवसको दिनदेखि यस रेमिटबाट विश्वका जुनसुकै देशमा पैसा पठाउने नेपालीलाई पहिलो पटक नि:शुल्क सेवा दिने प्रतिबद्धता गरेको कार्यक्रमका संयोजक पूर्ण गुरुङले जानकारी दिए। रेमिटको यो घोषणाले नेपालीलाई वैधानिक बाटोबाट पैसा पठाउन प्रेेरित गर्ने गुरुङ आशा राख्छन्।