३८ क्विन्टल सुन तस्करीका यी तीन अभियुक्त दुबईमा गर्दैछन् आनन्दले व्यापार

३८ क्विन्टल सुन तस्करीका तीन अभियुक्तलाई दुबईमा पक्राउ परेको डेढ वर्षसम्म पनि नेपालले झिकाउन सकेको छैन। बरु यूएई प्रहरीले तारेखमा छाडिदिएका उनीहरू दुबईमै व्यापार गरिरहेका छन्।

उनीहरू तस्करीका मुख्य लगानीकर्ता कृष्णगोपाल अग्रवाल, हरिशरण खड्का र रमेश उप्रेती हुन्। तीनै जनाविरुद्ध अन्तर्राष्ट्रिय अपराध प्रहरी संगठन (इन्टरपोल)ले रेड नोटिस जारी गरेपछि पक्राउ परेका थिए। यो खबर आजको नयाँ पत्रिकाले छापेको छ।

दुबई प्रहरीले उनीहरूलाई तारेखमा राखे पनि नेपाल फर्काउन मानेको छैन। उनीहरूको दुबईमा सुन पसल, रेन्टुरेन्ट तथा ट्राभल एजेन्सीमा लगानी छ।

सुरुमा युएई प्रहरीले पक्राउ परेकाविरुद्धको सम्पूर्ण कागजपत्र पठाउन नेपाल प्रहरीलाई आग्रह गरेको थियो । सोहीअनुसार प्रहरीले उनीहरूविरुद्धका प्रमाण पठाएको थियो । तैपनि नेपाल ‘डिपोर्ट’ गर्न मानेको छैन।