देशभर २६० संक्रमितको अवस्था गम्भीर, भेन्टिलेटर र आईसीयूमा बस्नेको ग्राफ बढ्दो

केही दिनयता आईसीयू र भेन्टिलेटरमा उपचार गर्नेको संख्या बढ्दै गएको छ।

स्वास्थ्य तथा जनसंख्या मन्त्रालयका अनुसार देशभर गम्भीर प्रकृतिका २ सय ६० जना कोरोना संक्रमित आईसीयू र भेन्टिलेटरमा उपचाररत छन्।

स्वास्थ्य तथा जनसंख्या मन्त्रालयका अनुसार ३४ जना भेन्टिलेटर र २ सय २६ जना संक्रमित आईसीयूमा उपचाररत रहेका खबर आजको राजधानी दैनिकमा प्रशान्त वलीले लेखेका छन्।

आईसीयूमा रहेका संक्रमितको संख्या सबैभन्दा बढी बाग्मती प्रदेशमा ११२ छ। बाग्मतीमा २७ जनाको भेन्टिलेटरमा राखेर उपचार भइरहेको छ ।

प्रदेश ५ मा ४४ जना आईसीयू र ६ जना भेन्टिलेटरमा छन् । प्रदेश १ मा २८ जना आईसीयू र १ जना भेन्टिलेटरमा र प्रदेश २ मा १७ आईसीयू उपचाररत छन् । सुदूरपश्चिममा ४ जना आईसीयू, गण्डकी प्रदेशमा ६ र कर्णाली प्रदेशमा १५ आईसीयूमा उपचाररत छन्। ।