प्रदेश १ को प्रदेशसभाको जारी हिउँदे अधिवेशनको तेस्रो बैठक दसैँपछि मात्र बस्ने भएको छ।
आइतबार बसेको बैठकपछि सभामुख प्रदीपकुमार भण्डारीले तेस्रो बैठक सोमबार दिउँसो १ बजे बोलाउने निर्णय गरेका थिए।
तर आइतबार बेलुका सूचना जारी गर्दै प्रदेशसभा सचिवालयले विशेष कारणले दसैँपछि अर्थात कात्तिक ५ गतेका लागि बैठक बस्ने जानकारी दिएको छ।
प्रदेश १ का मुख्यमन्त्री भीम आचार्यले असोज २५ गतेभित्र विश्वासको मत लिनुपर्ने प्रतिपक्षी दलहरुले बताएका थिए। सरकार र सभामुखको आलोचना गरेका विपक्षीहरुले तत्काल विश्वासको मत लिन चेतावनी दिएका थिए।
यता, मुख्यमन्त्री आचार्य दसैँ मनाएर मात्रै विश्वासको मत लिने पक्षमा छन्। मुख्यमन्त्रीलाई अनुकुल हुनेगरी सभामुखले कात्तिक ५ गतेसम्मका लागि बैठक स्थगित गरेका छन्।
42
Shares
प्रतिक्रिया