नेकपा माओवादी केन्द्र प्रदेश २ को बन्द सत्र सकिएको छ। २७१ प्रदेश समिति प्रदेश समिति बनाउने र राष्ट्रिय सम्मेलनका लागि प्रतिनिधि छनोट गर्ने निर्णय गर्दै सर्लाहीको लालबन्दीमा बन्द सत्र सम्पन्न भएको हो।
बैठकले जिल्लाहरूलाई जिल्लामा भएका सक्रिय सदस्यबाट आरक्षण कोटा अनुसार प्रदेश सदस्य तथा राष्ट्रिय सम्मेलन प्रतिनिधि छनोट गरेर प्रदेश आयोजक समितिमा पेश गर्ने जिम्मा दिइएको प्रदेश २ का संयोजक प्रह्लाद बुढाथोकीले जानकारी दिए।
यो नामावली छनोट गरेर जिल्लाले पुस २० गतेसम्म आयोजक समितिलाई बुझाउनु पर्ने छ। आयोजक कमिटीले त्यस पश्चात सोही २७१ सदस्यबाट पदाधिकारी चयन गर्ने संयोजक बुढाथोकीले बताए। उनका अनुसार सांगठनिक अवस्था र क्लस्टर अनुसार सदस्य छनोट गर्दा प्रत्येक जिल्लाबाट २५ देखि ४० जनासम्म सदस्य छनोट हुने छ।
पुस २५ गते भव्य रुपमा घोषणा सभा आयोजन गरेर प्रदेश कमिटी घोषणा गर्ने सदस्य महतोले जानकारी दिए। गएको मंसिर २५ गते जनकपुरमा अधिवेशनको उद्घाटन सत्र गरेको माओवादी केन्द्र पुस २ गते बन्दसत्र गर्ने निर्णय गरेको थियो। तर पार्टी भित्रको विवादले बन्दसत्र स्थगित भएको थियो।
Shares
प्रतिक्रिया