गठबन्धन सरकारको ६ महिना : १७७ किलोमिटर सडक पक्की

नेपाली कांग्रेस नेतृत्वको पाँच दलीय गठबन्धन सरकारको ६ महिने अवधिमा १७७ किलोमिटर सडक पक्की भएको छ।

प्रधानमन्त्री शेरबहादुर देउवाले शुक्रबार अपरान्ह देशवासीका नाममा सम्बोधनका क्रममा यस्तो बताएका हुन्।

'मेरो नेतृत्वको सरकारको ६ महिनामा देशभर १७७ किलोमिटर सडक पक्की भएको छ', उनले  भने, 'यही अवधिमा ८० भन्दा धेर पुल बनेका छन्।'

देउवाले गठबन्धन सरकार आएयता देशले सही आर्थिक बाटो समातेको बताउँदै सूचकहरु पनि राम्रा रहेका उल्लेख गरेका छन्।

उनले यही वर्षभित्र मेलम्ची खानेपानी आयोजना पुनर्निर्माण गरेर काठमाडौंमा पानी झारि छाड्ने पनि प्रतिवद्धता जनाएका छन्।