सुनसरी, मोरङ र झापामा कांग्रेसले २४ स्थानीय तहमा अग्रता लिएको छ।
यस्तोमा नेकपा एमाले १५ स्थानमा प्रमुख पदमा अगाडि रहेको छ। तीन जिल्लामा एक जना स्वतन्त्र, एक जना राप्रपा र एक जना जनता समाजवादी पार्टीका उम्मेदवारले प्रमुख पदमा अग्रता लिएका छन्।
सुनसरीमा कांग्रेसले ६, एमालेले ३ र जसपाले १ स्थानीय तहमा अग्रता लिएका छन्।
प्रदेश निर्वाचन कार्यालयका अनुसार सुनसरीमा धरान उप र इटहरी उपमहानगरपालिका, इनरुवा, बराह र दुहबी नगरपालिकमा कांग्रेसले अग्रता लिएको छ।
यस्तै हरिनगरा, देवानगन्ज र गढी गाँउपालिका पनि कांग्रेसले अग्रता लिएको छ।
एमाले रामधुनी नगरपालिका, बर्जु गाँउपालिका र भोक्राह नरसिंह गाँउपालिका अग्रता लिएको छ।
जसपाले कोसी गाउँपालिकामा अग्रता लिएको छ। सुनसरीको देवानगन्ज र बर्जुको मतपरिणाम सार्वजनिक भएको छैन।
मोरङमा भने विराटनगर महानगर, बुढीगंगा, धनपाल थान कटहरी ग्रामथान, जहदा मिक्लाजुङ गाउँपालिकामा कांग्रेसले अग्रता लिएको छ। रतुवामाई, सुनबर्षी र पथरी शनिश्चरे नगरपालिकामा कांग्रेसको अग्रता छ।
रंगेली, उर्लाबारी, लेटाङ, बेलबारी, सुन्दर हरैँचा नगरपालिकामा एमालेको अग्रता छ। यस्तै कानेपोखरी र केराबारी गाउँपालिकमा एमालेले अग्रता लिएको छ। मोरङमा १७ वटा पालिका रहेका छन्।
झापाका हल्दिबारीमा राप्रपा र कन्काई नगरपालिकमा स्वतन्त्र उम्मेदवारले अग्रता लिएका छन्।
एमालेले विर्तामोड, दमक, मेचीनगर, शिवसताक्षी र अर्जुनधारा अग्रता लिएका छन्।
भद्रपुर, गौरादह नगरपालिका कमल, कचनकवल बाह्रदशी, बुद्धशान्ति र गौरीगञ्जमा कांग्रेसका उम्मेदवारले अग्रता लिएका छन्। झापामा १५ वटा स्थानीय तह छन्।
Shares
प्रतिक्रिया