राजनीति


सिट बाँडफाँटका लागि दुई पटक बसेको गठबन्धन बैठक बिना निष्कर्ष टुंगियो

सिट बाँडफाँटका लागि दुई पटक बसेको गठबन्धन बैठक बिना निष्कर्ष टुंगियो

फाइल फोटाे


नेपालखबर
असोज ६ , काठमाडौँ

सत्ता गठबन्धनले प्रतिनिधि सभा र प्रदेश सभाको सिट संख्या बाँडफाँटमा सहमति जुटाउन सकेको छैन। बिहीबारको बैठक पनि बिना निष्कर्ष सकिएको छ।

प्रधानमन्त्री निवास बालुवाटारमा दिउँसो ३ बजे र साँझ ६ बजेगरी दुई चरणमा बसेको बैठक बिना निस्कर्ष सकिएको एक नेताले जानकारी दिए।

सहमति गर्नेगरी बैठक शुक्रबार दिउँसो २ बजे फेरि बस्ने उनले बताए।

‘बैठक चलिरहेको छ, खासै निष्कर्ष निस्किएको छैन,’ ती नेताले भने, ‘भोलि २ बजे फेरि बस्ने र ठोस कुरा गर्ने भनेका छौँ।’

अर्का नेताका अनुसार शुक्रबारको बैठकमा सिट संख्याबारे पनि कुरा हुनेछ।

बिहीबारको बैठकमा कांग्रेस–माओवादी, जसपा–माओवादी, नेकपा एकीकृत समाजवादी–माओवादी र कांग्रेस तथा जसपा र एकीकृत समाजवादीबीच दुईपक्षीय र त्रिपक्षीय छलफल पनि भएको थियो।

तर, कांग्रेसले यसअघि लचक हुने बताएपनि आजको बैठकमा त्यो नदेखाएको सिट बाँडफाँटका लागि बनेको कार्यदलका एक सदस्यले नेपालखबरलाई जानकारी दिए।

‘आन्तरिक दबाब हो कि के हो थाहा भएन, कांग्रेस लचक छैन,’ ती सदस्यले भने, ‘कांग्रेस रिजिट देखिन्छ। सहमति गर्न आफैँले प्रस्ताव गर्नुपर्ने कांग्रेस संख्याका विषयमा मौन बसेर आफ्नो अडान कायम राखिरहेको छ समस्या यहीँ छ।’

कार्यदल सदस्यका अनुसार प्रतिनिधि सभा तर्फको १ सय ३० क्षेत्रमा लगभग सहमति जुटिसकेको छ। अब बाँकी ३५ क्षेत्रमा कुरा मिलाउन बाँकी छ।

बिहीबारको बैठकमा तिनै बाँकी क्षेत्र मिलाउने प्रयास भएपनि कांग्रेसको अडानले नसकिएको ती नेता बताउँछन्।

गठबन्धनका शीर्ष नेतासहित कार्यदलका सदस्यको बैठकमा अहिलेसम्म प्रतिनिधि सभाको सिट संख्या पाँच दलबीच बाँडफाँट मै कुरा मिलिसकेको छैन।

प्रतिनिधि सभाको १६५ क्षेत्रको बाँडफाँट गरेपछि गठबन्धन प्रदेश तहको प्रत्यक्ष तर्फका ३३० क्षेत्रमा छलफल गर्ने नेताहरुले बताए।

२१ साउनमा सिट बाँडफाँटबारे सहमतिको मस्यौदा बनाउन ११ सदस्यीय कार्यदल बनेको थियो।

बैठक लगातारजसो बसेपनि अहिलेसम्म सहमति जुटाउन सकेको छैन।

असोज ६, २०७९, बिहीबार

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 4240505 / 4241389
Admin:[email protected]
News:[email protected]

विज्ञापनका लागि सम्पर्क

+977 9851081116
[email protected]

जीवन बस्नेत
कार्यकारी निर्देशक
सुरेन्द्र रिजाल
निर्देशक, अटो संस्करण
सविन पोखरेल
लेखा तथा प्रशासन प्रमुख
ललिता तामाङ
कार्यालय सहयोगी

नेपालखबर टीम


विशेष संवाददाता
सागर न्यौपाने

उप–सम्पादक
खगेन्द्र गिरी
नवराज रेग्मी
रूपबहादुर विश्वकर्मा
विद्यानाथ अधिकारी
चिरञ्जीवी आचार्य

ग्लोबल अफेयर्स संयोजक
सन्तोष घिमिरे

समाचार संयोजक
ज्ञानेन्द्र खड्का

निर्वाचन सम्पादक
जेवी पुन मगर

म्यागेजिन सम्पादक
सीताराम बराल

सम्पादक
अरुण बराल

प्रधान सम्पादक
पूर्ण बस्नेत
Copyright © 2021 Nepalkhabar. All Rights Reserved. Designed byCurves n' Colors. Powered by.
ad ad