नेपाली कांग्रेसका केन्द्रीय सदस्य कल्याण गुरुङले सरकार गठन गर्दा वा सञ्चालन गर्दा राष्ट्रिय सहमति र सहकार्यको आवश्यक्ता हुने बताएका छन्।
सामाजिक सञ्जालमार्फत आफ्नो धारणा सार्वजनिक गर्दै गुरुङले देशमा सरकार पनि छ भन्ने वास्तविक अनुभूति सबैलाई दिलाउन राष्ट्रिय सहमति र सहकार्यको आवश्यक्ता रहेको बताएका हुन्।
‘सरकारको गठन गर्दा होस् वा सरकारको संचालन गर्दा होस्, राष्ट्रिय सहमति र सहकार्यलाई प्राथमिकतामा राखौं,’ गुरुङले भनेका छन्।
‘राजनीतिक स्थिरताको लागि, सुशासनको लागि, शान्ति र अमनचैनको लागि, बहुदलिय लोकतन्त्रको संरक्षण र संवद्र्धनको लागि, दीगो आर्थिक समृद्धिको लागि, धेरै उद्योगहरुको संचालन गर्ने वातावरण निर्माणको लागि, स्वदेशी र विदेशी लगानी बढाउनको लागि, रोजगारीको सृजना र सुनिश्चितताको लागि, कानूनी शासन समानरूपमा हुनुपर्छ, गुरुङले भनेका छन्,‘सबै प्रकारको विभेद र अन्यायको अन्त्यको लागि, सबै प्रकारको भेदभाव, बहिष्करण र छुवाछुतको अन्त्यको लागि, सबै प्रकारको राजनीतिक, आर्थिक र सामाजिक असमानताको अन्त्यको लागि, गरिबहरुको शीघ्र उत्थानको लागि, कसैलाई काँखा र कसैलाई पाखा गर्ने अनुचित कार्य रोक्नको लागि, सामाजिक न्याय, सामाजिक सुरक्षा र जन कल्याणको लागि, अवसरहरुमा सबैको समान पहुँच पुर्याउनको लागि, देशमा सरकार पनि छ भन्ने वास्तविक अनुभूति सबैलाई दिलाउनको लागि, आवश्यक छ।’
राष्ट्रिय सहमति र सहकार्य नै उत्तम विकलप भएको उनले बताएका छन्।
Shares
प्रतिक्रिया