युनिकोड
सत्ता गठबन्धनको बैठक अघि नेकपा माओवादी केन्द्र र सञ्चारमन्त्री ज्ञानेन्द्र कार्कीबीच भेटवार्ता भएको छ।
उनीहरुबीच सोमबार बिहान खुमलटारमा भेटवार्ता भएको हो। सत्ता गठबन्धनको बैठक दिउँसो ३ बजे प्रधानमन्त्रीको सरकारी निवास बालुवाटारमा बस्दैछ।
आइतबार माओवादी केन्द्रको पदाधिकारी बैठकपछि सञ्चारकर्मीसँग कुरा गर्दै महासचिव देव गुरुङले सोमबार सत्तारूढ गठबन्धनको बैठक बोलाइएको जानकारी दिएका थिए। बैठकमा निर्वाचनको समग्र अवस्थाका बारेमा समीक्षा हुने बताइएको छ।
मंसिर ४ गते सम्पन्न निर्वाचनमा नेपाली कांग्रेसले ५७ स्थानमा जीत निकालेको छ। यस्तै, माओवादी केन्द्र १८ स्थानमा विजयी हुँदा नेकपा एकीकृत समाजवादीले १० स्थानमा जित निकालेको छ।
सत्ता साझेदार दलहरुसँग चुनावी तालमेल गरेको लोकतान्त्रिक समाजवादी पार्टी (लोसापा) ले ४ र गठबन्धन दल राष्ट्रिय जनमोर्चा १ स्थानमा विजयी भएको छ।
प्रतिक्रिया