युनिकोड
अघिल्लो राष्ट्रपति विद्यादेवी भण्डारीले रोकेको नागरिकता विधेयक वर्तमान राष्ट्रपति रामचन्द्र पौडेलले प्रमाणीकरण गरेपछि कतिपयले उनको आलोचना र विरोध गरिरहेका छन्।
तर यसमा राष्ट्रपति पौडेलको कुनै दोष नभएको भन्दै अभिनेता तथा फिल्म निर्माता दीपकराज गिरीले गाली नगर्न अनुरोध गरेका छन्।
राजा फालेर राष्ट्रपति ल्याएको नै प्रधानमन्त्री र संसद्लाई शक्तिशाली बनाउनलाई भएको उल्लेख गर्दै अभिनेता गिरीले नागरिकता विधेयक प्रमाणीकरणका लागि जसले सिफारिस गर्यो ऊ नै दोषी भएको दाबी गरेका छन्।
‘राजा फालेर राष्ट्रपति ल्याएको नै प्रधानमन्त्री र सदनलाई पावरफुल बनाउनलाई हो’, गिरीले सामाजिक सञ्जालमार्फत टिप्पणी गरेका छन्, ‘गालीचाहिँ राष्ट्रपतिलाई किन? जसले सिफारिस गरे उनै दोषी हुन्।’
यसअघि तत्कालीन राष्ट्रपति भण्डारीले संसद्बाट दुई-दुईपटक पारित गरेर पठाउँदा पनि प्रमाणीकरण नगर्दा राष्ट्रपतिकै कार्यालयमा अड्किएको नागरिकता विधेयक सरकारको सिफारिसमा वर्तमान राष्ट्रपति पाैडेलले बुधबार प्रमाणीकरण गरेका हुन्।
प्रतिक्रिया