एकीकृत समाजवादीको बैठक सर्‍यो

नेकपा (एकीकृत समाजवादी)को यही माघ २८ गतेदेखि हुने भनिएको स्थायी कमिटी बैठक स्थगित भएको छ।

महासचिव घनश्याम भुसालले बैठकको मिति सारिएको जानकारी दिएका हुन्। स्थगित भएका बैठकहरु आगामी फागुन ६ गतेदेखि सुरु हुने भुसालले बताए। 

नेता भुसालका अनुसार अब फागुन ६ गते स्थायी कमिटी, ७ गते पोलिटब्युरो र ८ र नौ गते केन्द्रीय कमिटीका बैठकहरु हुनेछन्।

बैठकमा समसामयिक राजनीतिक विषयवस्तु, संविधान संशोधनका विषय, भ्रष्टाचार, जनजीविकासँग सम्बन्धित मुद्दामा प्रतिपक्ष दलसँगको सहकार्यबारे छलफल हुने एकीकृत समाजवादीले जनाएको छ।