चीनसँगको सीमा जोडिएको उरै नाका सञ्चालनको तयारी भइरहेको छ : ओली

प्रधानमन्त्री केपी शर्मा ओलीले चीनसँगको सीमा जोडिएको बझाङको उरै नाका सञ्चालनका लागि कूटनीतिक पहल भइरहेको बताएका छन्। प्रतिनिधिसभाको बिहीबारको बैठकमा सांसदको प्रश्नको उत्तर दिनेक्रममा ओलीले यसबारे जानकारी दिएका हुन्। 

'नेपाल-चीन बीच सन् २०१९ मा हस्ताक्षर भएको व्यहोरा जानकारी गराउँछु। सोहि बमोजिम चीनसँग सीमा जोडिएका जिल्लाका नेपाली नागरिकहरूलाई चीन आवागमन अनुमति पत्र (प्रवेश-पास) उपलब्ध गराउने सम्बन्धी कार्यविधि, २०८१ कार्यान्वयनमा ल्याइएको छ,' उनले भने, 'उल्लेखित १४ नाकाहरूमध्ये उरै भञ्‍ज्याङ, बझाङ  पनि रहेको छ। सो नाका सुचारू गर्न सम्बन्धित निकायहरूसँग समन्वय एवम् कुटनीतिक तवरमा पहल भइरहेको छ।'