युनिकोड
सर्वोच्च अदालतका प्रवक्ता समेत रहेका सहरजिस्ट्रार अच्युत कुइँकेल उच्च अदालतको न्यायाधीशमा सिफारिस भएका छन्।
बिहीबार बसेको न्याय परिषद्को बैठकले उच्च अदालतका २७ जना न्यायाधीश नियुक्तीका लागि कुइँकेलसहितलाई सिफारिस गरेको हो।
कुइँकेललाई उच्च अदालत पाटनमा पदस्थापन गर्न सिफारिस गरिएको छ। यस्तै न्याय परिषद्का सचिव यमबहादुर बुढा मगर उच्च अदालत सुर्खेतको जुम्ला इजलासमा सिफारिस भएका छन्।
उच्च अदालत पोखराका रजिस्ट्रार खड्गराज अधिकारी पनि उच्चको न्यायाधीशका लागि सिफारिस भएका छन्। उनलाई उच्च अदालत दिपायलको न्यायाधीशमा पदस्थापन गर्न सिफारिस गरिएको छ।
६ जना कानुन व्यवसायीबाट र बाँकी जिल्ला अदालतका न्यायाधीशलाई उच्च अदालतको न्यायाधीश नियुक्त गर्न नाम सिफारिस गरिएको छ।
प्रतिक्रिया