विश्वकप खेल्दै यी १६ दाजुभाइ: को, कुन देशबाट?

इतिहासकै ठूलो विश्वकपमा यसपालि कुल १ हजार २ सय ४८ खेलाडी मैदानमा उत्रिँदै छन्। उनीहरुले ४८ टोलीको प्रतिनिधित्व गर्नेछन्।

फुटबलको विश्वमञ्चमा आफ्नो जादु देखाउन तयार यी खेलाडीमध्ये १६ जना दाजुभाइ पनि छन्। संयुक्त राज्य अमेरिका, क्यानडा र मेक्सिकोमा हुने यो विश्वकपमा १६ दाजुभाइमध्ये ८ जनाले ४ टोलीबाट र अर्को ८ जनाले फरक-फरक टोलीबाट खेल्दै छन्। 

विश्वकपमा खेल्ने केही प्रसिद्ध दाजुभाइ जोडीहरूमा आयुज (जोर्डन र आन्द्रे) र हाजाड्र्स (इडेन र थोर्गन) छन्। यसअघि जोर्डन र आन्द्रे दाजुभाइले घानाका लागि विश्वकप खेलेका थिए, जब कि हाजार्ड दाजुभाइ बेल्जियमका खेलाडीको रूपमा देखा परेका थिए। 

विश्व फुटबलको सबैभन्दा ठूलो प्रतियोगितामा १६ दाजुभाइले स्थान बनाएको देख्नु अझै पनि अचम्मको कुरा हो। तीमध्ये चार जनाले फरक देशको लागि खेल्छन् भन्ने कुरा थाहा पाउँदा अझ रोचक लाग्छ। आज हामी तिनै १६ दाजुभाइको चर्चा यहाँ गर्दै छौँ– 

एकै देशबाट विश्वकप खेल्ने दाजुभाइमा नेदरल्यान्ड्सका जुरियन र क्विन्टेन टिम्बर, फ्रान्सका लुकास र दिओ हर्नान्डेज, केप भर्डेका लेरोस र डेरोय डुआर्टे, कुराकाओ लिआन्ड्रो र जुनिन्हो बाकुना छन्। 

उनीहरु को हुन्?  

आर्सनलका जुरियन टिम्बर र उनका भाइ क्विन्टेनलाई यो विश्वकपमा नेदरल्यान्ड्सको जर्सीमा देख्न पाइनेछ। 

अझ रोमाञ्चक पक्ष लुकास र दिओ हर्नान्डेजमा देख्न पाइन्छ। उनीहरू दुवै जना फ्रान्सको सुरुवाती ११ मा एउटै स्थानको लागि एकअर्कासँग प्रतिस्पर्धा गरिरहेका छन्। फ्रान्सको रक्षापंक्ति सम्हाल्न लागिपरेका उनीहरु दुवै बायाँ खुट्टा चलाउँछन्। 

यस्तै लारोस डुआर्टे र डेरोय डुआर्टे यी दाजुभाइ केप भर्डेका लागि खेल्दै छन्। केप भर्डे पहिलोपटक विश्वकपमा सहभागिता जनाउँदै छ। 

यस्तै लियान्ड्रो र जुनिन्हो बाकुना कुराकाओबाट खेलिरहेका छन्, कुराकाओ पनि विश्वकपमा डेब्युको प्रतीक्षामा छ। लियान्ड्रोले त कुराकाओको कप्तानी सम्हालिरहेका छन्। 

फरक–फरक टोलीबाट विश्वकप खेल्ने दाजुभाइ
सन् २०२६ को विश्वकपमा एक अर्काविरुद्ध मैदान उत्रिने दाजुभाइको नाममा विलियम्स दाजुभाइको नाम अगाडि आउँछ। अघिल्लो विश्वकपमा पनि उनीहरु फरक टोलीबाट खेलेका थिए।

निको स्पेनको युरो २०२४ को सफलताको प्रमुख हिस्सा थिए र लुइस डे ला फुएन्टेको टोलीको एक मुख्य हिस्सा पनि हुन्। उनका जेठा भाइले घानाको जर्सीमा मैदान उत्रिँदै छन्। 

सन्डरल्यान्डका स्ट्राइकर ब्रायन ब्रोब्बीलाई इंग्ल्यान्डमा प्रभावशाली ‘डेब्यु’ सिजनपछि नेदरल्यान्ड्सको टोलीमा बोलाइएको थियो। उनका भाइ डेरिक लकासेन घानाका सेन्टर–ब्याक हुन्।

ह्यारी र जोन साउटरका दाजुभाइ पनि फरक देशबाट विश्वकप खेल्दै छन्। यिनीहरु दुवै जना डिफेन्डर हुन्। विश्वकपमा आ–आफ्नो राष्ट्रका लागि उनीहरुले सुरुवाती ११मै खेल्ने अपेक्षा गरिएको छ।

ह्यारीले अस्ट्रेलियाको प्रतिनिधित्व गर्नेछन् भने जोनले स्कटल्यान्डको लागि खेल्नेछन्।