निधि निवासमा शशांक, प्रकाशमान र विमलेन्द्रबीच छलफल

नेपाली कांग्रेसका नेताहरू डा. शशांक कोइराला, प्रकाशमान सिंह र विमलेन्द्र निधि छलफलमा जुटेका छन्। 

काठमाडौँको मध्यबानेश्वरस्थित नेता निधिको निवासमा तीनै जना नेता छलफलमा जुटेका हुन्। बिहीबार अपराह्न डा. कोइराला र सिंह छलफलका लागि निधि निवास पुगेका हुन्। 

कांग्रेसको आन्तरिक विवाद समाधान र आगामी १५औँ महाधिवेशन लगायतका विषयमा छलफल भइरहेको जनाएको छ। यससँगै समसामयिक राजनीतिक विषयमा छलफल भइरहेको उनीहरू निकट नेताले बताएका छन्।