बुद्ध एयरको जहाज स्यालसँग ठोक्कियो

बुद्ध एयरको एउटा जहाज बुधबार साँझ नेपालगञ्ज विमानस्थलमा अवतरणका स्यालसँग ठोक्किएको छ।

काठमाडौंबाट गएको एटीआर-७२ जहाज बुधबार साँझ ७ बजेर नेपालगञ्ज विमानस्थलमा अवतरण गर्ने क्रममा धावनमार्गमा स्यालसँग ठोक्किएको हो।

बाँके प्रहरी प्रमुख प्रहरी उपरीक्षक श्यामकृष्ण अधिकारीले स्यालसँग ठोक्किएर विमानमा सामान्य क्षति भएको छ। अहिले धावनमार्गमै प्राविधिकको टोलीले निरीक्षण गरिरहेको उनले जानकारी दिए। 

बुद्ध एयरका निर्देशक रूपेश जोशीका अनुसार जहाजको क्षतिबारे अध्ययन भइरहेको छ।  यसअघि १६ कात्तिकमा नेपालगञ्ज विमानस्थलकै धावन मार्गमा सीता एयरको जहाज तीनवटा बदेलसँग ठोक्किएर क्षतिग्रस्त भएको थियो।