झापामा कोरोना संक्रमित भेटिएको भन्दै झुटो प्रचार गर्ने पक्राउ

झापामा कोरोना भाइसरको संक्रमण देखियो भन्दै सामाजिक सञ्जालमा भ्रम फैलाउने एक व्यक्तिलाई प्रहरीले शुक्रबार साँझ दमकबाट पक्राउ परेको छ।

इलाका प्रहरी कार्यालय दमकका प्रहरी नायब उपरीक्षक विजय पण्डितका अनुसार दमक-१ निवासी ३५ वर्षीय कुमार राईलाई पक्राउ गरिएको हो।

उनले सामाजिक सञ्चालमा झापामा कोरोना संक्रमित भेटिएको भन्दै भ्रमपूर्ण प्रचार गरेका प्रहरीले जनाएको छ।

यसैबीच सङ्क्रमणबाट बच्न झापामा ३४१ क्वारेन्टाइन निर्माण गरिएको छ।

जसमध्ये सबैभन्दा धेरै क्वारेन्टाइन विर्तामोड नगरपालिकाले निर्माण गरेको जिल्ला विपद् व्यवस्थापन समितिले जनाएको छ।