वन मन्त्री शाही र सांसद गौतम जडीबुटी प्रशोधन केन्द्रको निरीक्षणमा (तस्बिरहरू)

चैत १५ गते राजावादीको हिंसात्मक प्रदर्शनको क्रममा जडीबुटी उत्पादन तथा प्रशोधन कम्पनी लिमिटेडको आगोलागी भएको क्षति अवलोकनका लागि वनमन्त्री ऐनबहादुर शाही र सांसद सोविता गौतम पुगेका छन्। बिहीबार कम्पनीमा पुगेका उनीहरूले कम्पनीका प्रमुख तथा प्रतिनिधिहरूसँग क्षतिको विवरण पनि संकलन गरे। 

राजावादीका प्रदर्शनकारीले कम्पनीमा आगो लगाएका थिए। कसले आगो लगाएको भन्नेबारे अझै पहिचान भइसकेको छैन। प्रहरीले उनीहरूको खोजी जारी राखेको बताएको छ। आगोलागीले कम्पनीको अधिकांश संरचना र उत्पादन बस्तुहरू नष्ट भएका थिए भने ८ वटा गाडी पूर्णरुपमा जलेका जलेका थिए।