युनिकोड
काठमाडौं—प्रधानमन्त्री केपी शर्मा ओलीले कोरोना भाइरस (कोभिड—१९) संक्रमित भएर सघन उपचार कक्ष (आईसीयु) मा उपचार गराइरहेका वेलायती प्रधानमन्त्री बोरिस जोन्सनको शीघ्र स्वास्थ्य लाभको कामना गरेका छन्।
सामाजिक सञ्जाल ट्विटरमा बोरिसको ह्यान्डललाई मेन्सन गर्दै उनले भनेका छन्, ‘कोरोना भाइरसको उपचारका लागि अस्पतालको सघन उपचार कक्षमा सारिएको थाहा हुन आएको छ। कोभिड—१९ विरुद्ध लड्ने उहाँको दृढ प्रयासको म सराहना गर्दछु। ’
उनको अवस्था थप गम्भीर देखिएपछि मेडिकल टिमको सल्लाहमा गए राति आईसीयूमा सारिएको हो।
I wish Prime Minister @BorisJohnson of the UK speedy recovery. It is learnt that he has been moved to intensive care in hospital for the treatment of corona virus. I commend his dedicated efforts to fight COVID-19.
— K P Sharma Oli (@kpsharmaoli) April 7, 2020५५ वर्षीय जोन्सनलाई यसअघि नै कोरोना संक्रमण भएको पुष्टि भएको थियो। त्यसपछि उनी घरमै अराम गरिरहेका थिए। कोरोना संक्रमणका कारण स्वास्थ्यमा अप्ठ्यारो बढेपछि उनलाइ अस्पतालको सघन उपचार कक्षमा सारिएको हो।
यो पनि: कोरोना संक्रमित बेलायती प्रधानमन्त्रीको अवस्था गम्भीर, आईसीयूमा उपचार हुँदै
प्रतिक्रिया