भक्तपुरमा रोकिराखेको टिपरमा मोटरसाइकल ठोक्किँदा एक युवाको मृत्यु

भक्तपुरमा रोकिराखेको टिप्परमा मोटरसाइकल ठोक्किँदा चालकको मृत्यु भएको छ। दुर्घटनामा सात वर्षीया एक बालिका घाइते भएकी छन्।

सूर्यविनायक नगरपालिका वडा नम्बर ५ चुनदेवीमा रोकिराखेको बा ३ ख ८८०३ नम्बरको टिप्परमा बा ३० प ९६११ नम्बरको मोटरसाइकल ठोक्किँदा चालक भक्तपुर नगरपालिका ४ दरबार स्क्वायरका ३८ वर्षीय लक्ष्मण ट्वाटीको मृत्यु भएको हो।

दुर्घटनामा गम्भीर घाइते भएका ट्वाटीको डाक्टर इवामुरा अस्पतालमा उपचारको क्रममा मृत्यु भएको प्रहरीले जनाएको छ।

मोटरसाइकल पछाडि बसेकी ७ वर्षकी प्रमिला लामा घाइते भएकी छन्। उनको डाक्टर इवामुरा अस्पतालमा उपचार भइरहेको प्रहरीले जनाएको छ।