युनिकोड
बैतडीमा बलात्कारपछि हत्या गरिएकी १७ वर्षीया भागरथी भट्टलाई न्याय दिलाउने संकल्पका साथ सञ्चारकर्मी रवि लामिछाने बैतडी गएका छन्।
‘अरू केही पनि जान्दैनौं, न्याय नपाई मान्दै मान्दैनौं’ भन्ने अडानका साथ उनी सोमबार आफ्नो टोलीसहित बैतडी गएका हुन्।
‘भागरथीको न्यायका निम्ति उठिरहेका आवाजलाई थप बल मिल्छ कि भन्दै बैतडीतर्फ जाँदै छौं,’ बैतडी प्रस्थान गर्ने बेला लामिछानले सामाजिक सञ्जालमा लेखेका छन्, ‘अबका अपडेटहरू केही समयका लागि फेसबुकबाटै।’
साथै अबेर राति उनले आफूहरू बैतडी पुगिसकेको जानकारी पनि दिएका छन्।
बैतडीको दोगडाकेदार गाउँपालिका–७ की १७ वर्षीया भागरथी भट्ट बलात्कारपछि हत्या गरिएको अवस्थामा जंगलमा फेला परेकी थिइन्।
याे पनि : निर्मलाको जस्तै भागरथीको पनि बलात्कारपछि घाँटी थिचेर हत्या
प्रतिक्रिया