झापामा नागरिकता बनाउनेभन्दा राहदानी लिने धेरै

जिल्ला प्रशासन कार्यालय झापामा नागरिकताभन्दा राहदानी लिनेको सङ्ख्या ह्वात्त बढेको छ। 

आर्थिक वर्ष २०८०/८१ मा २५ हजार चार सय ५५ जनाले राहदानी तथा १८ हजार आठ सय २२ जनाले नागरिकता लिएका छन्।

गत आवमा राहदानीबापत रु १४ करोड ७३ लाख ६७ हजार सात सय राज्यकोषमा दाखिला भएको छ। राहदानी लगायत अन्य सेवाबाट जिल्ला प्रशासन कार्यालयले रु १५ करोड ३० लाख ३९ हजार चार सय ४४ सङ्कलन गरेको छ।