मधेस युनाइटेडको लोगो सार्वजनिक

एभरेस्ट प्रिमियर लिग (इपीएल) को फ्रेन्चाइज टोली मधेस युनाइटेडले आफ्नो नयाँ लोगो सार्वजनिक गरेको छ। मधेसले बिहीबार एक विज्ञप्ती जारी गर्दै नयाँ लोगो सार्वजनिक गरेको हो। नयाँ लोगोले खेल, संस्कृति र मधेशी गर्वलाई एउटै प्रतिकमा समेटेको बताएको छ। नयाँ लोगो हरियो रगंको रहेको छ। 

खेलकुद र संस्कृतिको संयोजन रहेको लोगोको केन्द्रमा भलिबल राखिएको छ जसले पटमको खेल र प्रतिस्पर्धाको भाव जगाउने क्लबले विज्ञप्तीमा उल्लेख गरेको छ। 

विज्ञप्तीमा भनिएको छ, 'यसको चारै तिरका लहरहरुले भलिबलको गतिशीलता, उर्जा र तीव्रताको प्रतीक दर्शाउँछ। लोगोको माथिल्लो भागमा जानकी मन्दिर प्रेरित आकृति रहेको छ, जुन मधेस क्षेत्रको सांस्कृतिक पहिचान र धार्मिक सम्पदाको प्रतिक हो। मन्दिरले मधेसको ऐतिहासिकता र संस्कृतिलाई समेटेको छ।'

मधेसको टोलीः 
निरुता ठगुन्ना (मार्की खेलाडी), आरती सुवेदी, कोपिला राणा, सरस्वती कटेल, उषा विष्ट, बबिता बोहोरा, बसन्ती साउद, स्नेहा ठगुन्ना