एनपीएलमा सर्वाधिक रन बनाउने रोसिङटनको अर्को अर्धशतक

पोखरा एभेन्जर्सका ब्याटर एडम रोसिङटनले चितवन राइनोजविरुद्ध अर्धशतक प्रहार गरेका छन्। 

सिद्धार्थ बैंक नेपाल प्रिमियर लिग (एनपीएल)मा शनिबार रोसिङटनले ३७ बलमा अर्धशतक बनाएका हुन्। उनले तीन चौका र चार छक्का प्रहार गरे। 

एनपीएलमा यो उनको तेस्रो अर्धशतक हो। उनले एउटा शतक पनि हानेका छन्। उनले अविजित एक सय आठ रन बनाएका थिए। 

यो अर्धशतकसँगै उनको तीन सय आठ रन पुगेको छ। एनपीएलमा उनी सर्वाधिक रन बनाउने ब्याटर हुन्। 

उनीपछि काठमाडौँ गोर्खाजका मार्क वाटले दुई सय ४२ रन बनाएका छन्। तेस्रो नम्बरमा रहेका चितवनका रवि बोपाराको दुई सय ३७ रन छ। 

नेपाल ब्याटर रोहित पौडेल चौथो नम्बरमा छन्। उनले दुई सय आठ रन बनाएका छन्। 

सर्वाधिक रन बनाउने रोसिङटन इङ्ल्यान्डका खेलाडी हुन्। ३२ वर्षीय रोसिङटन विकेटकिपर ब्याटर  हुन्। उनको उत्कृष्ट प्रदर्शनमा पोखरा जित नजिक छ।