युनिकोड
आफ्नै १४ दिने छोराको हत्या गरी फरार रहेका एक व्यक्तिलाई प्रहरीले पक्राउ गरेको छ।
पक्राउ पर्नेमा बारा जिल्लाको देवताल गाउँपालिका–४ तिप्राडी टोल बस्ने वर्ष २५ को नुर आलम अंसारी रहेका छन्।
उनले यही जेठ १४ गते बेलुका अन्दाजी ५ बजेको समयमा आफ्नो नवजात शिशु (१४ दिनको छोरालाई) कर्तव्य गरी मारी फरार रहेको प्रहरीले जनाएको छ।
काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले उनलाई मंगलबार काठमाडौंको चन्द्रागिरी नगरपालिका–१५ ढुंगेअड्डा पिपलबोटबाट पक्राउ गरेको हो।
आलमलाई आवश्यक अनुसन्धान तथा कारबाहीको लागि जिप्रका बारामा पठाइएको अपराध अनुसन्धान कार्यालयले जनाएको छ।
प्रतिक्रिया