बालिका बलात्कार आरोपमा बैतडीमा एकजना पक्राउ परेका छन्। पक्राउ पर्नेमा जिल्लाको पाटन नगरपालिकाका– ७० वर्षीय वृद्ध छन्।
पीडित बालिका र आरोपित वृद्धको थर एउटै रहेकाले नाम सार्वजनिक नगरिएको इलाका प्रहरी कार्यालय, पाटनका प्रहरी निरीक्षक कमल चौधरीले जानकारी दिए।
गत पुसमै बालिका बलात्कार गरिएको भए पनि आरोपित वृद्धले घटनाबारे कसैलाई भने ज्यान मार्ने धम्की दिएकाले ढिला गरी घटना बाहिरिएको हो। पीडित बालिकाकी आमाले वृद्धको नाममा जाहेरी दिएपछि उनलाई पक्राउ गरी प्रहरी हिरासतमा राखिएको छ।
उनीविरुद्ध जबरर्जस्तीकरणीसम्बन्धी मुद्दा दर्ता भई १० दिनको म्याद थप भई थप अनुसन्धान भइरहेको प्रहरीले जनाएको छ। पीडित बालिकाको स्वास्थ्य परीक्षण गरिएको र रिपोर्ट आउँन बाँकी रहेको प्रहरी निरीक्षक चौधरीको भनाइ छ। रासस
27
Shares
प्रतिक्रिया