१६ वर्षीयालाई बलात्कार अभियोगमा पक्राउ परे ६७ वर्षीय वृद्ध

एकजना १६ वर्षीया किशोरीलाई बलात्कार गरेको अभियोगमा एकजना वृद्ध पक्राउ परेका छन्।

धनकुटाको पाख्रीबास नगरपालिका-८ बस्ने ६७ वर्षीय रंगलाल तामाङलाई शनिबार दिउँसो प्रहरीले पक्राउ गरेको हो। 

तामाङले ती किशोरीलाई शनिबार दिउँसो डर त्रास देखाई आफ्नै घरको कोठामा लगेर जबरजस्ती करणी गरेको उजुरीको आधारमा जिल्ला प्रहरी कार्यालय धनकुटाको टोलीले उनलाई पक्राउ गरेको हो।