युनिकोड
टिमिनस र डिजिटल ट्रान्सफरमेसन कम्पनी भवन साइबर टेक (बीसीटी)बीच रणनैतिक साझेदारीसम्बन्धी सम्झौता भएको छ।
टिमिनसको व्यवसाय भारत, श्रीलंका, नेपाल र भुटानसम्म विस्तार गर्न यस्तो सम्झौता भएको हो।
सम्झौतासँगै बीसीटीले टिमिनसका सबै उत्पादन र सोलुसनहरु ती देशमा पुर्याउने र बजारीकरण गर्नेछ। सात वर्षका लागि यस्तो सम्झौता भएको हो। टिमिनसले दक्षिण एसियाली बजारमा पकड कायम गर्न सम्झौता गरेको हो।
बीसीटीले आफ्ना ४ हजार प्रोडक्ट इन्जिनियरिङ र डिजिटल सेवासम्बन्धी प्राक्टिसनर र कन्सल्टेन्ट्ससहितको नेटवर्कबाट कम्पनीको बजार विस्तार गर्नेछ।
बीसीटीका ग्रुप सीईओ, निर्देशक तथा सहसंस्थापक एस दुर्गाप्रसादले टिमिनससँग सहकार्य गर्न पाएकोमा खुसी व्यक्त गरे। त्यस्तै टिमिनसका प्रमुख राजस्व अधिकृत तथा अध्यक्ष एरिक जर्बरले बीसीटीसँग रणनैतिक साझेदारीको घोषणा गर्न पाउँदा प्रसन्नता व्यक्त गरे।
प्रतिक्रिया