युनिकोड
चीनबाट पर्यटक नेपाल भित्रन थालेका छन्। कोभिड महामारीको कारण शून्यजस्तै रहेका चिनियाँ पर्यटक जनवरीबाट बढ्न थालेका हुन्।
चीनबाट अघिल्लो वर्ष ३२१ मात्रै भित्रिएकोमा १ हजार ४३६ पर्यटक भित्रिएका छन्। कोभिडअगाडि २०१९ को तुलनामा भने ८७.४ प्रतिशतले कमी हो। उक्त वर्ष जनवरीमा ११ हजार ४३० पर्यटक भित्रिएका थिए।
२०२३ को जनवरीमा पर्यटक आवागमन २२४ प्रतिशतले बढेका छन्।
अघिल्लो वर्ष १६ हजार ९७५ पर्यटक मात्रै भित्रिएकोमा अहिले ५५ हजार ७४ पर्यटक भित्रिएका हुन्। कोभिडअघि २०१९ को तुलनामा ६६ हजार ७१४ पर्यटक भित्रिएका थिए।
जनवरीमा भारतबाट १६ हजार ४३६, बंगलादेशबाट २,४६८, दक्षिण कोरियाबाट २ हजार १९८, थाइल्यान्डबाट २ हजार ४१९ पर्यटक भित्रिएका छन्।
त्यस्तै अमेरिकाबाट ६ हजार ५६१, बेलायतबाट ३ हजार ४५८, अस्ट्रेलियाबाट ३ हजार ४४१ पर्यटक नेपाल आएका छन्।
माघ १९, २०७९, बिहीबार
प्रतिक्रिया