युनिकोड
सेयरबजारमा आज गिरावट देखिएको छ।
नेपाल स्टक एक्सचेन्जका अनुसार नेप्से ७.१६ अंकले घटेर २१७०.१८ विन्दुमा आएको हो। अघिल्लो दिन ७६ अंकले बढेको थियो।
बजार घटे पनि ६७ वटा कम्पनीको सेयर मूल्य बढेको छ। त्यस्तै १४२ वटाको घटेको र ७ वटाको उही मूल्यमा कारोबार भएको छ।
बजारमा आज २५७ कम्पनीको कारोबार भएको थियो। यसअनुसार १ करोड ५ लाख कित्ता सेयर बिक्री भएको छ।
यो भनेको ३ अर्ब ६९ करोडको कारोबार हो। बुधबार ५ हजार ६ सय २ पटक सेयर कारोबार भएको थियो।
लगानीकर्ताले अधिकतम आज ३.३२ प्रतिशतसम्म मात्र कमाएका छन्। गुमाउने सेयरधनीले भने ५.१४ सम्म गुमाएका छन्।
आज नेपाल रिइन्स्योरेन्स कम्पनीको ११ करोडको सर्वाधिक सेयर कारोबार भएको छ।
माघ २५, २०७९, बुधबार
प्रतिक्रिया