६ दिनपछि स्वदेश फर्कंदै भौतिक पूर्वाधारमन्त्री दाहाल

भौतिक पूर्वाधार तथा यातायात मन्त्री देवेन्द्र दाहाल साउदी अरेबियाको रियादबाट आज (बुधबार) स्वदेश फर्कंदै छन्।

सडक सुरक्षाबारे अन्तर्राष्ट्रिय सम्मेलनमा भाग लिएर अपह्रान्ह सवा ४ बजे त्रिभुवन अन्तर्राष्ट्रिय विमानस्थलमा अवतरण गर्ने उनको सचिवालयले बताएको छ। 

इन्टरनेशनल रोड फेडेरेसन, आईआरएफ ग्लोबल र साउदी अरेबियाको यातायात मन्त्रालयले आयोजना गरेको उक्त सम्मेलनमा विभिन्न राष्ट्रका प्रतिनिधि एवं विज्ञले सडक सुरक्षासम्बन्धी कार्यपत्र पेश गरी छलफल भएको  छ। 
 
रियादमा २ देखि ४ नोभेम्बर सम्म भएको सडक सुरक्षासम्बन्धी सम्मेलनका लागि नेपाली प्रतिनिधि मण्डलको नेतृत्व गर्दै दाहाल त्यसतर्फ गएका थिए।